apple gah pulh nawn chiang in!

Apple gah bang zah vei ana pulhta din na gingta? Bang ziak a apple hichi zah vei ana pulhta a, Sir Issac Newton a dia phatuam bik a de aw?

gam ka it KEI

"Zogam ah miimbang ka piang;
zogam ah ka nung ta,
zogam ah ka khanglian"

Tulai in ah kei leh kei dotna ka kikhonung dot phing khat "Ahim him in ah, zogam koi mun ahi di?". Zogam ah piang ing a, zogam ah nung ta leh zogam a khanglian chingal ing a bang chi dan a koimun zogam ahia chih le thei lou tel ka de aw! Chau ka ki sa law phiing!

A diktak in ah, hiai kei leh kei dotna ka kidot phet louh, dotna dang ka dot leh a dawn na ka theih zoh nai louh tam pi om hi. Tuate lak a: "Kuan gam a iit pen dia?". Pu Thang dam in ka deih mah mah thil li-te chih thulu a nei a, sinlai ana gelh ka sim kha ngei hi. Huai ah bang chi define hiam I chih leh - gam iit i chih chiang in a teen pih mihingte it chih na ahi ana chi hi.
Tua hitaleh, gam iit-te lak a simtel khak a om ka hi chih na ahi peuh ma phot. Tawl dam huai deuh eh!
Huchi ahih taak leh, gam it kei bang bang mi tam pi ana om sam din ka ngaih tuah hi. Hileh tua teng lak a screening om hen la, kuan gam a it pen ding chih zong khe let phur huai ka sa hi.

Veng weekly news khat ah hichin ka sim kha ngei hi "Siamsin lai na hih a, gam ka it na chih leh na lai hah tak in kisim lel in". A thumal ahi tak in ka gen thei chiah nawn kei. Kum nga vel paita a kasim khak ahi. Tua hunlai in bel College lut tung lel ka hi. Dik kasa vel thou. Ahih ziak in gam it chi ngal a, thazung khat beek sen khaak lou ka chih chiang in kisiam tan huai ka sa law kei. Thagum suah a pang te gam itna lian diak hi din ka ngaih tuah na khat a om. Hitamah leh leng, I hih na lam chiat ah gin om leng gam it ki hi chiat mai ding ahi chih gen nuam hi din ka ngaih tuah a ka lung a muan na khat a om hi.